Plantun de Prouvènço

Pèr coumpara dos planto d'encò nostre

Clypeola jonthlaspi subsp. microcarpa & Delphinium fissum

Clypeola jonthlaspi subsp. microcarpa

Brassicaceae Cruciferae

Nom en français : Clypéole à petits fruits.

Descripcioun :
La clipeolo es uno pichoto erbo de l'an que trachis dins li pelouso roucaiouso e cauquiero. Flouris tre lou mes de mars amé de pichòti flour jauno mistoulino, de regarda à la lùpi. Èi cuberto d'en pertout de péu estela. Se recounèis pamens à sis akène, eliptique dins aquesto subsp., de 1 à 4 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 20 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Clypeola
Famiho : Brassicaceae
Famiho classico : Cruciferae

Ordre : Brassicales

Coulour de la flour : Jauno
Petalo : 4
Ø (o loungour) flour : 1 à 1,5 mm
Flourido : Printèms Ivèr

Sòu : Ca
Autour basso e auto : 0 à 1200 m
Aparado : Noun
Mars à mai

Liò : Tepiero roucaiouso - Roucaio - Esboudèu
Estànci : Termoumediterran à Subremediterran
Couroulougi : Eurimediterrano
Ref. sc. : Clypeola jonthlaspi subsp. microcarpa (Moris) Arcang., 1882

Capouchin(-fendu)

Delphinium fissum

Ranunculaceae

Noms en français : Dauphinelle fendue, Pied-d'alouette fendu.

Descripcioun :
Es uno planto renadivo proun grando e primo emé de fueio telado souvènt seco à la flourido. Li flour soun d'un poulit blu, pelouso emé un long esperoun. Vèn bèn dins li baus cauquié e li roucaio seco. Es uno planto proutegido.

Usanço :
Coume si cousin li tuo-loup, aqueste capouchin es uno planto proun empouisounanto. Caup d'alcalouïdo que paraliso lou cors e majamen l'alenamen. Li bèsti que l'esbrouton podon n'en mouri.